राष्ट्रिय जनमुक्ति पार्टीले प्रदेश तथा जिल्ला हरुमा भेला, प्रशिक्षण तथा अन्तरक्रिया कार्यक्रमहरु शुरू गरेको छ। यसै सन्दर्भमा कार्तिक २७ गते रुपन्देहीमा लुम्बिनी प्रदेश स्तरिय भेला, प्रशिक्षण तथा अन्तरक्रिया कार्यक्रम सम्पन्न भएको छ। पार्टी केन्द्रीय समितिको आयोजनामा सम्पन सो कार्यक्रममा केन्द्रीय अध्यक्ष केशव सूर्यवंशी, उपाध्यक्ष डा. विधु प्रकाश कायस्थ र उपमहासचिव अधिवक्ता चेत बहादुर आलेले प्रशिक्षण गर्नु भएको थियो भने, उपाध्यक्ष रविन्द्र उच्च नेपालीले स्वागत मन्तव्य र महासचिव टोप अस्लामीले केन्द्रीय बैठकको निर्णयको ब्रिफिङ गर्नु भएको थियो। कार्यक्रममा संघीय महासभाका लुम्विनी इन्चार्ज नरजंग गुरूङ, केन्द्रीय सचिव गजेन्द्र आङबुहाङ,प्रदेश अध्यक्ष झम बहादुर गुरुङ्ग, रूपन्देही जिल्ला अध्यक्ष प्रेम बहादुर थापाले समसामयिक विषय र पार्टीको विषयमा विचार व्यक्त गर्नु भएको थियो। सहभागीहरुको तर्फ देखि मगर महासंघ, नेपालका अध्यक्ष छत्र बहादुर दर्लामी, नेपाल राष्ट्रिय थारू मञ्चका अध्यक्ष रेखा प्रसाद चौधरी, जनमुक्ति युवा संघका अध्यक्ष शंकर गाहा, पूर्व केन्द्रिय सदस्य लुम बहादुर खाम्चा, प्रदेश उपाध्यक्ष लीलमाया राना, नवलपरासी अध्यक्ष प्रेम राना, वुटवल नगर अध्यक्ष भेक बहादुर थापा, सिद्धार्थ नगर अध्यक्ष प्रेम बहादुर गुरूङ, सियारी गाउँपालिका अध्यक्ष रन बहादुर बुढाथोकी लगायतले बिभिन्न प्रश्न, विचार, र सुझाव राख्नु भएकाे थियाे। केन्द्रिय सचिव मोजिव अलिले सञ्चालन गर्नु भएको कार्यक्रममा लुम्बिनी प्रदेश र रूपन्देही जिल्लाकाे तर्फ देखि खादा तथा फूल द्वारा केन्द्रीय नेताहरुलाई स्वागत तथा सम्मान गरिएको थियो।
