संघीय परिषदकाे बैठक सम्पन्न। – प्रतिनिधि सभाको निर्वाचनमा सहभागी हुने -भ्रष्टाचार विरुद्ध राष्ट्रिय अभियान संचालन गरिने – अन्तरराष्ट्रिय जनमुक्ति सम्मेलन आयोजना गरिने। राष्ट्रिय जनमुक्ति पार्टीको विधानकाे आधिकारिकताकाे विषयमा १५ महिना सम्म चलेको अन्तरसंघर्षकाे पछि २०८२ कार्तिक २६ गते संघीय परिषद(केन्द्रीय समिति) काे बैठक बसि बिभिन्न निर्णयहरु गरिएको छ। पार्टीकाे लुम्बिनी प्रदेश एवं रुपन्देही जिल्लाकाे कार्यालय भवन(कविराज भवन, मंगलापुर) मा पार्टी अध्यक्ष केशव सूर्यवंशीको अध्यक्षतामा वसेको वैठकले बिभिन्न महत्त्वपुर्ण निर्णयहरु गरेको छ। बैठकले पार्टीकाे घोषणा वर्ष २०४७ वैशाख २३ लाई आफ्नो स्थापना वर्ष मान्ने, आगामी ०८३ वैशाख २३ गते ३६औं स्थापना दिवस भव्य रूपमा मनाउने, बर्ष ०८३ भित्र अन्तरराष्ट्रिय जनमुक्ति सम्मेलन र पार्टीकाे सातौं राष्ट्रिय महाधिवेशन आयोजना गर्ने निर्णय गरेको छ। यसै गरि, भ्रष्टाचार विरुद्ध अन्तरराष्ट्रिय दिवस-२०२५(डिसेम्बर ९/मंसीर २३ देखि भ्रष्टाचार विरुद्ध हस्ताक्षर सहितको अभियान अघि बढाउने, राष्ट्रिय सरोकारका विषयलाई निगरानी गर्ने गरि विशेष अभियान सञ्चालन गर्ने, फागुन२१ काे लागि घोषणा गरिएको प्रतिनिधि सभाको निर्वाचनमा भाग लिने निर्णय पनि गरेको छ। बैठकले संघीय परिषदकाे उपाध्यक्षमा डा. विधु प्रकाश कायस्थ(काठमाण्डौ), उपमहासचिवमा चेत बहादुर आले(मोरङ), कोषाध्यक्षमा धनकेशर सूर्यवंशी(पाल्पा/ललितपुर), संघीय परिषदमा डब बहादुर गर्वुजा पुन(नवलपरासी/काठमाडौं?, अशोक पुन(रूपन्देही), हरिदेव थापा(स्याङ्जा), गोविन्द पुन (प.रुकुम)र उर्मिला नेपाली(दाङ) लाई मनोनित गरेको छ। यसै गरी कार्तिक २८गते रूपन्देही मै वसेको पदाधिकारी(कार्य संपादन) को बैठक ले नेताहरुको विभागीय जिम्मेवारी समेत तोकेको छ। बैठकको निर्णय बारे कार्तिक ३० गते अध्यक्ष केशव सूर्यवंशी द्वारा प्रेस विज्ञप्ति मार्फत सार्वजनिक गरिएको छ।
