यही फागुन १० गते राष्ट्रिय जनमुक्ति पार्टी, रुपन्देहीले बुटवलमा एमसीसी विरुद्धमा विरोध तथा खबरदारी सभा भव्य रुपमा सम्पन्न गरेको छ । सो विरोध तथा खबरदारी सभालाई पार्टीका केन्द्रीय सचिव मोजीब अलीले सम्बोधन गर्नु भएको थियो । उहाँले एमसीसी सम्झौतालाई संसदबाट पारित गर्ने गरी संसदमा प्रवेश गराई देशलाई थप जञ्जालमा फसाएको बताउनु भएको छ ।
सचिव अलीको जोड थियो “नेपालको सार्वभौमसत्तालाई चूनौति दिने एमसीसी कुनै पनि हालतमा खारेज हुनु पर्छ । मित्र राष्ट्र अमेरिका, अमेरिकी जनताको हामीले विरोध गरेका होईनौ तर हाम्रो राष्ट्रिय स्वाधीनमाथि मित्रहरुले आँच पुरयाउनु राम्रो होईन । एउटा आवरणमा हामीलाई दीघृकालिन रुपमा चेपुवामा पार्ने मनसाय र हर्कत तुरुन्त बन्द हुनु पर्दछ ।” सत्ताधारी दल र तिनका नेताहरु एमसीसीका मतियार भई जनता भाँड्ने काम भएको छ – “उहाँले जिकिर गर्नु भयो ।”
कार्यक्रममा लुम्बिनी/लुथम प्रदेश अध्यक्ष झम बहादुर गुरुङ्गले एमसीसी जस्तो मुद्दा नेपालीको थाप्लोमा थोपरेर एमाले–काँग्रेस–माओवादी–जसपा जस्ता दलहरुले जनतालाई चरम धोखा दिएको औंल्याउनु भयो । त्यस्तै जनमुक्ति युवा महासंघका केन्द्रीय अध्यक्ष शंकर गाहाले युवाहरुलाई देश निर्माणमा उत्प्रेरित गर्ने गरी सरकारले सृजनशिल अभियान ल्याउनु पर्नेमा उल्टै युवाहरुलाई दलाली गर्न उद्देलित गरीरहेको विश्लेषण गर्नु भयो ।
बुटवलको लखन चौराहाबाट भव्यउ रयाली सहित अगाडि बढीरहदा सहभागीहरुले देश र जनताको पक्षमा NO MCC, विदेशी हस्तक्षेप बन्द गर, राष्ट्रिय अस्मिता कायम गर, नेपालको सार्वभौमसत्तालाई चूनौति दिने MCC सम्झौता खारेज गर, दलाली तन्त्र र कमिशनतन्त्रको अन्त्य हुनै पर्छ, भ्रष्टाचार राष्ट्रिय अपराध हो, जनतामारा मूल्य वृद्धि र महङ्गी नियन्त्रण गर, विदेशी दलाल मुर्दावाद, राष्ट्रिय जनमुक्ति पार्टी जिन्दावाद, हाम्रो आन्दोलन जारी छ जस्ता नाराहरु समेत लगाएका थिए ।
कार्यक्रम राष्ट्रिय जनमुक्ति पार्टी, बुटवल नगर समितिको व्यवस्थापनमा र जिल्ला अध्यक्ष प्रेम थापा मगरको सभापतित्वमा सम्पन्न भएको थियो ।
यसैबीच रुपन्देहीकै मंगलापुरमा पनि एमसीसी खारेजीको माग गर्दै राष्ट्रिय जनमुक्ति पार्टी, तिलत्तोमा नगर समितिले पनि विरोध तथा खबरदारी सभा सम्पन्न गरेको छ । सभालाई पार्टी सविच गीता सारु, जनमुक्ति युवा महासंघका केन्द्रीय उपाध्यक्ष राम अस्लामी (रोशन) साथै स्थानीय नेतृत्वहरुले सम्बोधन गर्नु भयो ।
तिलत्तोमा नगरभित्र पार्टीले यही माघ २६ गतेदेखि एमसीसी विरुद्धमा १५ दिने कार्यक्रम सञ्चालन गर्दै आएको थियो । राष्ट्रिय जनमुक्ति पार्टी, तिलत्तोमा नगर समितिका अध्यक्ष भोम बुढा मगरका अनुसार एमसीसी विरुद्धमा त्यस नगरका वडाहरुमा समेत कोण सभाहरु सम्पन्न भएका छन् । एमसीसी विरुद्धमा जनताको हस्ताक्षर लिने कार्य पनि भएको छ । पार्टीले सञ्चालन गरेको जनता जागौं अभियान अन्तर्गत एमसीसी विरुद्धको कार्यक्रम सम्पन्न गरिएको हो ।
एमसीसी विरुद्धमा सुनसरीको धरानमा पनि संयुक्त रुपमा विरोध रयाली र सभा सम्पन्न भएको छ । यसैबीच किराँत लिम्बुवान खम्बुवान प्रदेश समितिले फागुन १२ गते एमसीसी विरुद्धमा एक दिने बन्द कार्यक्रमको आयोजना गरेको बताएको छ ।
राष्ट्रिय जनमुक्ति पार्टीले एमसीसी खारेजीको माग नीतिगत रुपमै उठाउँदै आएको छ । यस पार्टीले एमसीसी खारेजीका लागि विभिन्न तहमा विरोध कार्यक्रम गर्दै आएकोमा यही फागुन ८ गतेका दिन माईतीघर मण्डला (काठमाडौं) मा एक विरोध कार्यक्रम सम्पन्न गरीसकेको छ भने केन्द्रको तर्फबाट पनि थप कार्यक्रमरु सम्पन्न गर्दै जाने योजना रहेको छ ।
यसैबीच संघीय परिषदको दोश्रो बैठक (फागुन ४ र ५) सम्पन्न गरीसकेपछि पार्टीले एमसीसी खारेजीका लागि पुनः आन्दोलित हुने निर्णय लिएको छ । यसै सन्दर्भमा प्रदेश तह र जिल्ला जिल्लामा पनि एमसीसी विरुद्धमा शान्तिपूर्ण रयाली सहित विरोध तथा खबरदारी सभाहरु सम्पन्न गर्ने कार्यलाई तीव्र बनाउदै लगिएको छ ।
विरोध तथा खबरदारी सभाको सन्दर्भका केही थप तस्वीरहरु :-
